यवतमाळच्या चेतनकुमार मेश्राम यांचेवर इंग्लंड येथे वर्णवादामुळे झालेल्या अन्यायाचा विदर्भ जनआंदोलन समितीतर्फे निषेध

नागपुर (पांढरकवडा) ४ जानेवारी - यवतमाळ जिल्हयातील शोषीत व उपेक्षीत मागास समाजातुन येऊन भारताच्या इंडियन इन्स्टिट्युट आँफ टेक्नाँलाँजी (आय आय टी ) मधुन इंजीनियर झालेल्या व जगातील सर्वात विख्यात नाँर्थांटन विद्यापिठात एम बी ए चे व्यवसायी शिक्षण घेणारया विद्यार्थ्याला ब्रिटीश येथील विख्यात दुरध्वनी कंपनी व्दारे वर्णवाद निर्माण करून झालेल्या छळाचा निषेध विदर्भ जनआंदोलन समिती ने केला आहे. भारताच्या महामहिम व विदर्भाच्या सुन असलेल्या प्रतिभाताई पाटील यांनी या प्रकरणात ब्रिटीश सरकारने माफी मागण्यासाठी दबाव टाकावा अशी मागणी विदर्भ जनआंदोलन समितीचे नेते किशोर तिवारी व युवा नेते रितेश परचाके यांनी फँक्स द्वारे केली आहे. या संबंधात पाठविलेल्या निवेदनात तिवारी यांनी म्हटले आहे की, विदर्भातील यवतमाळ सारख्या मागास भागातुन व समाजातील सर्वात वंचीत असलेल्या शोषीत व उपेक्षीत वर्गातून आपल्या बुध्दीच्या भरोश्यावर आय. आय. टी मधुन बी टेक ची पदवी घेवुन जगातील सर्वात मोठ्या नाँर्थान्टन विद्यापीठातुन व्यवसायी शिक्षण घेणारया २६ वर्षीय चेतनकुमार मेश्रामवर भारतीय मुळाचा वर्णवाद ठेवुन ब्रिटनच्या एका कंपनीने त्याचा छळ केला होता. ब्रिटनच्या न्यायालयात हे प्रकरण होते. मेश्राम यांचे बाजुने निकाल लागुन २ महिने लोटुनही त्याची अंमलबजावणी होत नसल्यामुळे हे प्रकरण आता भारतीयांच्या अस्मितेचे झाले आहे. यवतमाळ जिल्हयातील चेतनकुमार मेश्राम यांचा अपमान हा भारतीयांचा अपमान असुन हे प्रकरण आपण भारतीय दुतावासा मार्फत पुढे रेटणार असुन या प्रकरणात विदर्भ जनआंदोलन समिती १४ तारखेला धरणे आंदोलन सुध्दा करणार असल्याची माहिती किशोर तिवारी यांनी दिली. यवतमाळच्या चेतनकुमार मेश्राम यांचे प्रकरणामध्ये विदर्भातील जनतेने आवाज उठवावा असे आवाहन किशोर तिवारी यांनी केले आहे.